నగర జీవనంలో పచ్చదనానికి ఆస్కారమే లేదని అనుకోకూడదు . మొక్కలని పెంచాలనే ఆసక్తి , ఉత్సాహం ఉండాలి కానీ పచ్చదనం మన కళ్ళ ముందు కళ కళ లాడుతుంది. అది ఎలాగంటే విండో గార్డెన్, బాల్కనీ గార్డెన్ ,ఇండోర్ గార్డెన్ అంటూ ఉన్నాయి కదా !
అదిగో ఆ దారిలో నేను. అపార్ట్మెంట్ జీవనంలో ..అయ్యో ! ఒక మొక్క పెంచుకునే అవకాశం లేదే అని చింతించకుండా ... ఏవేవో ప్రయోగాలు చేస్తూ ఉంటాను. పర్యావరణ పరిరక్షణ అంటూ పెద్ద పెద్ద మాటలు వద్దు కానీ .. ప్రతి వంద చదరపుటడుగులకి కనీసం అయిదు కుండీ మొక్కలనయినా పెంచుకుంటూ .. గృహ వాతావరణం నుండి వెలువడే విషవాయువులని ప్రారద్రోలి ..స్వచ్ఛమైన గాలిని పొందవచ్చంట అని చదివాను. ఇదిగో ఇలా ప్రయోగాత్మకంగా మాస్టర్ బెడ్ రూమ్ లో ఇండోర్ ప్లాంట్స్ పెట్టాను. కొంచెం శ్రద్ద పెడితే నీడలో పెరిగే మొక్కలు ఏవేవో .. అంతర్జాలంలో చూసి తెలుసుకోవచ్చు కూడా ..
ఇవిగో ... 10 x 14 అడుగుల విస్తీర్ణం గల గదిలో నేను అమర్చిన మొక్కలు ..
Spider Plant
Peace Lily
Golden Bostan fern
Golden pathos and Aralia miniature white and rhoeo tri color plant
ఇందులో rhoeo plant మాత్రం పూర్తిగా out door plant. ఆ plant లో మిళితమైన రంగులు చూసి ముచ్చటపడి రీడింగ్ టేబుల్ పై పెట్టుకున్నాను.
Snake plant
నిజానికి ఇండోర్ ప్లాంట్స్ పెట్టుకోవడాని మట్టి కుండీలు కానీ సిరామిక్ పాత్రలు కానీ బాగుంటాయి. కానీ ఇంట్లో వాడకుండా అనవసరంగా ఉన్న పాత్రలని తీసుకుని ఎక్కువైన నీరు బయటకి వెళ్ళే విధంగా వాటికి రంధ్రాలు వేసి ... కోకోపిట్, వర్మి కంపోస్ట్, ఇసుక, బూడిద, ఎర్రమట్టి తీసుకుని మొక్కలని నాటాను.
నిత్యం మొక్కలతో సంభాషించడం చాలా బాగుంది. ముఖ్యంగా అరచేతులతో నిమురుతూ .. తెగుళ్ళు ఏమైనా సోకినాయేమో అని పట్టి పట్టి చూసుకుంటూ .. తొందరగా పెరగాలని అతి ఆశ పడకుండా ..తగు మోతాదులో ఆర్గానిక్ ఎరువులు వేసుకుంటూ తగుమాత్రం నీళ్ళు అందిస్తూ .. ఎండలోకి,నీడలోకి పిల్లి పిల్లలని తిప్పినట్టు మొక్కలని తిప్పుకుంటూ .. ఇండోర్ గార్డెన్, బాల్కనీ గార్డెన్ రూపొందించుకుంటూ ఉన్నాను.
నాకు చాలా నచ్చిన out door plant rhoeo tri color plant
ఓకే... ఈ రోజుకి ఉంటాను ఫ్రెండ్స్ ..
వీలున్నపుడు మరి కొన్ని మొక్కలని పరిచయం చేస్తాను, బై..ఫ్రెండ్స్..
